E kölsch Leed – Liedtext aus dem Album „Kitsch oder Stuss“


Intro
he sin mer jeboore


Strophe 1
Luur Dich ens öm en Kölle
Wat is dat nur für’n Stadt?!
Dunn alle, wat se welle
Vum Paster bis zur Kraad

Bruch keiner sich verstecke
Ejal mit wievill Jeld
Mer sin jo all nur Jecke
Met denne mer singk un verzällt


Refrain
He sin mer jeboore
Stolz un iewig frei

Mer han et Hätz verloore
Aan Kölle – Dir blieve mer treu

Strophe 2

Mer sin kein jroße Kriejer
Vielleich noch mit der Schnüss
Dröm simmer immer Siejer
Ejal, wer jrad mächtig is

Franzuse, Römer, Brunge
Mit Füer un mit Stahl
Üch hammer jet jesunge
Ihr wohrt uns drissejal

Doch wer meint Kraach ze mache
Un jeifert Hass un Raasch
Hät bei uns nix ze laache
Dä tredde mer in der Aasch


Refrain


Strophe 3

Wat määht ene Kölsche jlöcklich
Mer bruche janit vill
E Bützje, Kölsch un Öllisch
Und dä FC… jewinnt et Spill

JOOOOHHHHHHHH


Refrain

He sin mer jeboore
Stolz un iewig frei
Mer han et Hätz verloore
Aan Kölle – Dir blieve mer treu

2000 Johr die Quelle

jenährt vun Freud un Ping
Mer losse uns nix verzälle
Mer Jecke vun Kölle am Rhing